معلومات اللعبة
حذف الحساب والبيانات
آخر تحديث:
ماعندكش اللعبة؟
تقدر تطلب مسح حسابك نفسه من غير ما تفتح اللعبة.
ابعت إيميل على hello@maslahagame.com.
خلّي عنوان الرسالة «امسح حسابي».
واكتب فيها «كود الاسترجاع» بتاعك، وهو 8 حروف.
الكود هو إثبات إن الحساب بتاعك.
هنمسح الحساب خلال 30 يوم، وهنرد عليك.
الكود بيشتغل 6 شهور من آخر مرة لعبت فيها.
من غير الكود ممكن مانلاقيش الحساب.
ضيّعت الكود؟ ابعتلنا برضه.
لو معاك شرا، ابعت رقم الطلب من إيصال المتجر، وهنحاول نوصل للحساب.
ولو مالقيناهوش، بنمسحه احنا بعد سنتين من آخر لعب، إلا لو فيه شرا بفلوس حقيقية.
لو حسابك مربوط بآبل أو جوجل، تقدر كمان تدخل بيه على موبايل جديد.
وبعدين اضغط «امسح حسابي».
الحساب اللي فيه شرا بفلوس حقيقية مابنمسحوش بالوقت.
بنمسحه لما تطلب انت.
ولو حسابك مربوط بآبل، بنطلب من آبل تلغي الربط.
ده بيحصل لما تمسح من جوه اللعبة على آيفون وتأكد بآبل.
لو قفلت شاشة آبل، أو مسحت بالإيميل، مانقدرش نلغي الربط من عندنا.
الغيه انت من إعدادات آيفون › اسمك › Sign in with Apple › قعدة مصلحة › Delete.
ومتضيفش كلمات سر في الرسالة.
الوضع دلوقتي
من نسخة 0.2.6 اللعبة بتحفظ نسخة من حسابك على سيرفرنا، من غير إيميل ولا رقم موبايل، عشان ترجّعه لو غيّرت الموبايل.
النسخة دي واللي على جهازك بتمسحهم انت من اللعبة نفسها.
واللي وصلنا منك من إحصائيات اللعب بتطلب مسحه بإيميل.
امسح حسابك من اللعبة
الخطوة الأولى: افتح «الإعدادات».
الخطوة التانية: اختار «الحساب».
الخطوة التالتة: اضغط «امسح حسابي».
الخطوة الرابعة: هتظهر ورقة «امسح حسابي». أكّد منها بزرار «امسح حسابي».
الورقة بتقول: “هنمسح: الحساب، اللحلوح، المشتريات، الشخصيات، الأصحاب. مفيش رجوع.”
وبتقول كمان: “اللحلوح اللي اشتريته بفلوس هيروح ومش هيرجع. اللي بيرجع بس «اعمل شخصيتك».”
ده بيمسح حسابك من سيرفرنا ومن جهازك: كل اللي اللعبة مخزّناه، ورقم الإحصائيات، وكود الاسترجاع، والربط بآبل أو جوجل.
ومعاهم اللحلوح والحاجات اللي اشتريتها بيها، ودول مابيرجعوش.
«اعمل شخصيتك» بترجّعها من «استرجاع المشتريات».
وصورك لو بعتّها لـ«اعمل شخصيتك»: بنمسحها كمان، حتى لو كنت وافقت نحتفظ بيها.
لو عايزنا نمسح إحصائيات وصلتنا قبل كده، انسخ «رقم جهازك» الأول.
امسحها من الموبايل
سيب الأوضة الأونلاين واقفل اللعبة الأول.
لو مسحت بيانات التطبيق من إعدادات الموبايل أو حذفت التطبيق، بتمسح اللي على جهازك بس.
نسخة الحساب اللي على السيرفر بتفضل لحد ما تمسحها من «امسح حسابي»، أو بنمسحها احنا بعد سنتين من آخر استخدام، إلا لو فيها شرا بفلوس حقيقية.
تفريغ التطبيق مع الاحتفاظ ببياناته مش كفاية.
لو بتلعب بالمتصفح، امسح بيانات موقع اللعبة.
الحذف المحلي مش بيمسح أوضة لسه مفتوحة عند لاعبين تانيين.
اطلب مسح اللي وصلنا منك
إحصائيات اللعب بتروح لخدمة PostHog أرقام مش مربوطة باسمك.
اللي بيربطها بجهازك هو «رقم جهازك» في الإعدادات، الحساب، ومعاه زرار «انسخ».
ابعت الرقم ده على الإيميل، وهنمسح اللي وصلنا خلال شهر.
خلّي عنوان الرسالة «حذف البيانات».
واكتب فيها رقم جهازك، ومتضيفش كلمات سر.
تقدر تطلب مسح صورك ونسخة إيصال الشرا عند RevenueCat ورقم المشتري بإيميل على hello@maslahagame.com.
إنستجرام للأخبار بس، مش لطلبات البيانات.
اللي بنمسحه من غير طلب
تقارير الأعطال بنمسحها من السيرفر بعد 30 يوم بالكتير.
ونسختها اللي بتروح لـSentry، Sentry بتمسحها لوحدها بعد 30 يوم.
نسخة الحساب بنمسحها بعد سنتين من آخر استخدام، إلا الحساب اللي فيه شرا بفلوس حقيقية.
ده بنمسحه لما تطلب انت بس.
وكود الاسترجاع بيبطل بعد 6 شهور.
نسخة حسابك المشفّرة بتفضل في آخر نسخ المخزن لحد 30 يوم بعد المسح.
وبتفضل في تاريخ المخزن 90 يوم بالكتير، وصاحب اللعبة بينضّفه مرة كل شهر.
ومحدش يفتحها من غير المفتاح.
ولو رجّعنا نسخة احتياطية على السيرفر الحالي، بنعيد المسح لكل حساب سجّلنا مسحه قبل كده.
بيانات «صحابك» بنمسحها بعد 180 يوم من غير لعب.
حركتك في الأونلاين خطوة بخطوة مابنخزّنهاش على السيرفر، وبتروح لما الأوضة تقفل.
بس لما الماتش يخلص، السيرفر بيكتب سطر لكل لاعب في «سجل الماتشات» (تفاصيله في سياسة الخصوصية)، وبنمسحه بعد 400 يوم.
بلاغات اللاعيبة بنحتفظ بيها 90 يوم.
بعد المسح بنفضل نحتفظ بأرقام الأجهزة الممنوعة والأسامي المحجوبة، عشان نمنع الإساءة.
تفاصيل أكتر في سياسة الخصوصية.
اللي «امسح حسابي» مابيوصلهوش
خدمة Capgo لتحديثات اللعبة بتشوف رقم عشوائي ثابت لجهازك.
الرقم ده مش مربوط باسمك ولا بحسابك.
بس «امسح حسابي» مابيوصلهوش، ومانقدرش نطلب مسحه.
وعلى آيفون بيفضل حتى لو مسحت اللعبة ونزّلتها تاني.
وإيصال الشراء ورقم المشتري عند RevenueCat «امسح حسابي» مابيوصلهمش. لو عايزنا نمسحهم ابعتلنا على الإيميل ونمسحهم بإيدنا.
وCloudflare، اللي بتمرّر اتصال اللعبة بسيرفرنا، ممكن تحتفظ بسجلات تشغيل حسب سياستها هي.
و«امسح حسابي» مابيوصلهاش.
وسجل كل بيعة (المنتج والسعر والدولة ورقم العملية في المتجر، من غير اسمك) بيوصل سيرفرنا من RevenueCat.
بنستخدمه لحساباتنا وضرايبنا بس.
بنحتفظ بيه 5 سنين بعد الإقرار الضريبي للسنة اللي حصلت فيها البيعة، لأن قانون الضرايب المصري بيطلب نحتفظ بالدفاتر المدة دي.
وبعدها بنمسح رقم العملية.
و«امسح حسابي» مابيوصلهوش.
وسطور «سجل الماتشات»: «امسح حسابي» بيشيل اسمك منها، والأرقام بتفضل من غير اسم لحد ما نمسحها بعد 400 يوم.
وسيرفر اللعبة بيحفظ اللي اشتريته بفلوس، واللي اشتريته باللحلوح، و«هدية الجيل الأول» لو خدتها، ومعاهم رقم مشتق من حسابك، لمدة 400 يوم.
و«امسح حسابي» مابيوصلهوش.
وسجلات التشغيل عند المزوّدين (زي Cloudflare) بتفضل لحد ما هما يمسحوها لوحدهم بعد فترة قصيرة.