قعدة مصلحةQaadet Maslaha
المكاتب قليلة. والناس كتير. والكل محتاج ختم.
اتسابق مع صحابك تخلّص ورقك في مصلحة كلها طوابير وموظفين متنرفزين. والكسبان صاحب أعلى نقط، مش أول واحد يخلّص.

من غير تجميل
أرقام حقيقية
بتتحدّث لوحدها كل كام ساعة.
الخطوات
بتتلعب إزاي؟
ست خطوات، من أول ما تقعد لحد ما تعرف مين كسب.
-
01اقعد القعدة
اعمل أوضة وابعت الكود لصحابك، أو ضيف بوتات. ولو حد فصل، بوت بياخد مكانه لحد ما يرجع.
كود من 4 حروفببلاش لحد 3، وكبير الشلة لحد 8ماتش قصير أو طويل -
02اختار شخصيتك
كل شخصية ليها 13 نقطة على أربع صفات: قوة وسرعة وذكاء وشياكة. ومعاها قدرة واحدة بتكسر قاعدة.
20 شخصيةقدرة واحدة لكل شخصيةكل صفة من 1 لـ 5 -
03اجري على ورقك
ملفك فيه ورق (3 ورقات في الدور الأول)، وكل ورقة ليها شباك. دوّر عليها في المصلحة المتاهة. فيه شبابيك وهمية، وشحاتين بيلزقوا فيك، والحج ثلعوه بيجري ورا أقرب لاعب. والجري بياكل من طاقتك.
ملف لكل لاعبشبابيك وهميةشحاتين وثلعوه -
04خلّص الإجراء
فيه طابور على كل شباك، وكل واحد بيتخدم قدامك بيزوّد نرفزة الموظف. لما دورك ييجي، الموظف بيديك إجراء: لعبة قصيرة بمحاولات ووقت محدد. الرايق بيديك أكتر، والمتنرفز أقل. لو نجحت، ورقتك تتختم. والوقفة في الطابور بتاكل من صبرك.
من 5 لـ 20 ثانية للمحاولةمن 1 لـ 5 محاولاتمزاج الموظف بيفرق -
05استريح وبعدين الزعيم
اللي يخلّص ورقه يدخل الاستراحة، يرجّع جزء من طاقته وصبره، ويتفرج على الباقيين من المدرّج. وبعد آخر دور، الكل بيلعب تحدي الزعيم: 60 ثانية تعدّي فيها أكتر حواجز.
استراحة بين الأدوارإيموجي من المدرّجتحدي الزعيم -
06شوف مين كسب
النقط هي اللي بتحسم: أعلى مجموع في الأدوار كلها يكسب. وبتطلعلك إفادة رسمية فيها مركزك وأوسمة: أكتر معاملات، أقل محاولات، أكبر تحسن.
النقط بتحسمإفادة رسمية3 أوسمة
استميشن
وكمان استميشن
لعبة ورق شرق أوسطية لأربعة لاعبين. كل واحد بياخد 13 كارت، ويقدّر عدد لمّاته ويحاول يعملها بالظبط، لا أكتر ولا أقل.
الصفات
اكسب بطريقتك
كل شخصية ليها 13 نقطة على أربع صفات، واللي عالي فيها هو طريقك للكسب. اختار الشخصية اللي تناسب أسلوبك.

قوة عضلية
بتزق الأضعف وتقلل ضرر ثلعوه.
مثال: حمادة الجزار
سرعة
بتغيّر سرعة حركتك. توصل الأول وتسبق الزحمة.
مثال: كيمو الدليفري
ذكاء
بتقلل كدب موظف الممر وبتكشفلك الشباك الوهمي من بعيد.
مثال: أبلة صفاء
شياكة
بتأثر على نرفزة الموظف. موظف أهدى يعني محاولات ووقت أكتر.
مثال: باسم بيهالموظفين
موظفين انت عارفهم
كل إجراء ليه 4 موظفين، وكل موظف ليه 5 درجات مزاج. كل ما الموظف يتنرفز، محاولاتك أقل ووقتك أقصر.
رايق
فايق
زهقان
متنرفز
غضبان جداً

شخصيتك
اختار شخصيتك
20 شخصية، كل واحدة ليها شغلانة محرجة وقدرة خاصة واحدة.
وشّك وحبرنا
شخصيتك بوشّك
عايز تلعب بنفسك؟ اطلب «اعمل شخصيتك» من متجر اللعبة، وابعتلنا 4 صور على إنستجرام أو الإيميل، ونعملك شخصية بستايل اللعبة بأدوات ذكاء اصطناعي، وكل اللاعيبة يلعبوا بيها.
مرة واحدة، من جوه اللعبةشكل بس، من غير أي ميزة في اللعب.
اللي ورا اللعبة
مين ورا القعدة؟
أنا عادل جمال، كريتيف دايركتور بقالي 16 سنة في الإعلانات. ومش مبرمج.
كل ما ألعب لعبة أحس إن فيها حاجة ناقصة. فقلت: ما أعمل أنا اللعبة اللي نفسي ألعبها؟ الفكرة والقواعد والشخصيات والموظفين والنكت، كلها من تأليفي. والكود كله؟ ده شغل الـ AI. اشتغلنا كتف في كتف: أنا المخ، وهو العضلات 😄
ادعم القعدة
ادعم اللعبة بأي مبلغ
قعدة مصلحة لعبة مستقلة، من غير إعلانات. دعمك بيغطي السيرفرات ورسوم المتاجر، وبيخلّينا نكمّل.
- 1حوّل أي مبلغعلى إنستاباي من الكود أو العنوان.
- 2ابعتلنا صورة التحويل لو حبيتفي رسالة على إنستجرام @maslaha_game، ونتأكد إنها وصلت.
- 3خلاص كدهالدعم بيغطي السيرفرات ورسوم المتاجر، ومن غير أي مقابل جوه اللعبة.
الدعم اختياري ومش شراء، ومن غير أي مقابل جوه اللعبة. حوّلت بالغلط؟ ابعتلنا ونرجّعهولك.
adelgamal1@instapay
من برّه مصر؟ ابعتلنا رسالة على إنستجرام ونتفق على طريقة.








